قصيدة رائعة جدا للام

يواسيني وأنا الميت وحالي يجبر الدمعات

تسيل من الذي فيني ويبكي وهو يواسيني

وأنا أبكي واتنهد وأرسم بالحزن لوحات

يجبروني عشان أمشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

يايمه منتهي جيتك ... وطالب منك الغفران ... اقبل قاعة اقدامك .... واغسلها بدمعاتي.... يايمه كل مافيني ينادي لك انا ندمان

طلبتك قولي سامحتك ... وردي لوجهي بسماتي... انا ادري قلبك الطيب كسرته بصدمة النكران ... غلطت وغلطتي هذي تعير كل غلطاتي

شـكــرا على القصيدة الجميلة

شكرا جزيلا على مرورك الرائع
وسعت بردك كثيرا
تحياتى

» مع الله.....
» كيف تعشق الصلاه؟؟
» معلومات بسيطة لكنها رائعة جداً
» البابونج فوائد ومنافع طبية رائعة
» مواقع رائعة لعمل التواقيع والبنرات وكتابة الاسماء